Arbitri, Marco Guida dhe asistentët e tij kanë vendosur të vetë-izolohen, pasi vendosën drejtësi në sfidën mes Juventusit dhe Interit.
Ky vendim erdhi pasi futbollisti i Juventusit, Daniele Rugani, rezultoi pozitiv me virusin COVID-19. Në atë ndeshje, Rugani, gjendej në stolin e rezervave ndërsa nuk u aktivizua për asnjë minutë.
Sipas raportimeve, gjyqtari, Marco Guida, asistenti, Ciro Carbone dhe gjyqtari i katërt, Fabio Maresca janë izoluar vetëm si masë paraprake ndërsa nuk kanë shfaqur asnjë simptomë.
