Mbrëmjen e djeshme Fiorentina njoftoi se sulmuesi serb, Dusan Vlahoviç kishte rezultuar pozitiv me virusin COVID-19, ndërsa sot konfirmon se 2 lojtarë të tjerë janë prekur.
Bëhet fjalë për Patrick Cutrone dhe German Pezzella, të cilët kanë rezultuar të dy pozitiv pas analizave të bëra.
Kështu në Serinë A numri i futbollistëve të prekur nga virusi shkon në 9-të, ku tek Sampdoria janë regjistruar 5 raste, Daniele Rugani i Juventusit dhe 3 lojtarët e lartpërmendur të Fiorentinës.
Italia ka rreth 15.000 raste aktive me coronavirus, me numrin e vdekjeve që ka kaluar shifrën e 1.200 personave.
Futbolli në Itali është pezulluar deri në datën 3 prill.
