Mjekët e Spitalit Infektiv, i cili prej ditësh është kthyer në pavionin ku kurohet të infektuarit e parë me COVID 19, i janë drejtuar me një apel të fortë shqiptarëve për të zbatuar masat dhe të mos dalin nga shtëpitë.
Të veshur me maska e mjetet e tjera të duhura për këto raste, mjekët dhe infermierët e Infektivit kanë publikuar në rrjetet sociale një mesazh prekës për të gjithë qytetarët.
“Ju lutem mos na shihni çuditshëm. Jemi ne mjekët, infermierët dhe sanitarët që ju kemi shërbyer gjithmonë, vetëm uniforma ka ndryshuar. Jemi ne më të rrezikuar dhe janë familjet tona janë të rrezikuara.
Ju lutemi mos dilni në rrugë. Së bashku do ja dalim”, thuhet në apelin e mjekëve.
OBSH shppalli pandemi botërore situatën e krijuar me përhapjen e koronavirusit, i cili sipas shifrave zyrtare në Shqipëri numëron 23 të prekur, mes të cilëve 1 viktimë.
