Policia e Shtetit dhe ajo Ushatarake prej mbrëmjes së djeshme janë në terren në kërkim të perdonave që duhet të karantinohen për 14 ditë, pasi kanë lëvizur në zona që konsiderohen të kuqe për koronavirusin.
Policia e Shtetit publikoi pamjet e aksioneve që janë shtrirë në 8 qytete.
“Që prej orëve të pasdites, forca policore speciale të FNSH-së, Patrullat e Përgjithshme dhe Forcat e Posaçme “Shqiponjat”, në bashkëpunim me patrulla ushtarake, kanë ngritur rreth 70 pika kontrolli në 8 qytetet kryesore dhe ato me risk të shtuar, për parandalimin e përhapjes së COVID-19″, njofton policia.
Sipas saj, patrullat, të stacionuara apo të lëvizshme po vijojnë të kontrollojnë drejtuesit e mjeteve apo pasagjerët që ditët e fundit kanë udhëtuar në vendet e prekura gjerësisht nga Coronavirus.
Për këta qytetarë parashikohet të vetëkarantinohen deri në 14 ditë, në të kundërt Policia do t’i gjobisë.
