Kryeministri Edi Rama ka njoftuar përmes rrjeteve sociale se duke filluar nga mesdita e sotme nuk do të ketë transport urban në Tiranë dhe Durrës.
Kjo është një nga masat e marra nga Qeveria në kuadër të parandalimit të përhapjes së koronavirusit.
Pasditen e djeshme numri i rasteve të konfirmuara me Covid 19 nëShqipëri arriti në 15, ndërkohë që një 73 vjeçare humbi jetën në spitalin e Durrësit.
Pacientja vuante nga disa sëmundje, ndërkohë që ishte prekur nga Covid 19 gjatë udhëtimit që kishte pasur në Itali.
Kryeministri bëri të ditur se mjekët dhe infermierët do transportohen me transport të dedikuar.
