Teksa aksionet e naftës ranë me 20 përqind të hënën, prej panikut të koronavirusit dhe dështimit të arritjes së marrveshjes nga vendet e OPEC+, rënia e vlerave në tregjet globale ishte më e keqja që prej vitit 2008.
Duke komentuar pasojat ekonomike prej koronavirusit, duke përfshirë tregjet dhe energjinë, presidenti rus Vladimir Putin tha se kjo situatë krijon jo vetëm probleme por edhe mundësi.
“Jo vetëm që shpresoj por kam besim se Rusia do të kalojë këtë periudhë të trazuar me dinjitet e qetësi,” tha Putin duke folur me investitorët në rezidencën e re qeveritare Novo Ogarevo jashtë Moskës.
Keto komente optimiste Putin I bëri para bankierëve dhe krerëve të kompanive teksa në audiencë ishte dhe kryeministri Mikhail Mishustin.
Në një linjë me Putin ishte edhe ministri rus i financave, i cili një ditë më parë tha se nuk priste rënie ekonomike si rezultat i uljes globale, prej aktivizimit të mekanizmave të kompensimit të humbjes së të ardhurave të naftës e gazit.
