Ylli francez i PSG-së, Kilian Mbape prej disa ditësh vuan nga një gjendje gripale. Madje 21-vjecari nuk është stërvitur dy ditët e fundit me skuadrën duke e vënë pjesëmarrjen e tij për ndeshjen e sotme në rrezik.
Sipas “RMC Sport” për shkak të temperaturës, ditën e djeshme ai i është nënshtruar një testi koronavirusi, i cili ka rezultuar negativ.
Lajmi se sulmuesi 21 vjeçar mund të ishte prekur nga koronavirusi bëri xhiron e botës duke shqetësuar shumë futbolldashës kudo në botë. Por megjithatë gjithçka është hedhur poshtë, ndërsa mbetet vetëm të mësojmë, nëse do të jetë i pranishëm sonte në fushën e lojës apo jo.
