Nëse e gjithë bota është panikosur nga virusi COVID 19 që po merr mijëra jetë njerëzisht, policiët e Lali Erit nuk dinë të ndalojnë dhe as të kenë mëshirë ndaj hallexhinjëve.
Ata vazhdojnë OFL-në e tyre në Tiranë ndaj hallexhinjëve duke sekuestruar çdo ditë: hekura për skrap, tufa me sallatë jeshile dhe me qepë të njoma, ndonjë vegël muzikore, ndonjë thes me kanaçe apo bidona plastikë apo ndonjë kuti me mollë.
Gjatë ditës së sotme, në zonën e stacionit të trenit në kryeqytetit ata i janë sulur një gruaje e cila po shiste mollë për të nxjerrë bukën e gojës.
Ajo për të shpëtuar sadopak nga malli i saj ka marrë një kuti me mollë në dorë dhe ka tentuar të largohet. Por policët e Veliajt i janë vënë në ndjekje dhe ajo është rrëzuar nga shkallët. Siç duket dhe nga pamjet e mëposhtme gruaja është rrëzuar keq duke u dëmtuar por policia s’bën asgjë që ta ndihmojë por vetem rri edhe bën sehir.
Ndoshta për Veliajn janë këta persona që i rritin taksat, shpenzojnë buxhetin publik për luks, japin lejët e ndërtimit për kulla dhe shkaktojnë trafikun në kryeqytet.
Por në të vërtetë ata, nxjerrin sa për të ngrënë një vakt bukë në ditë pasi janë në varfëri të skajshme që i ka lënë kjo bashki dhe qeveri.
