“Pirja e alkoolit mund të ndihmojë në shërimin e infeksionit të koronavirusit” është një thashethem që pi qarkullon kudo por kjo nuk është e vërtetë. 27 njerëz kanë vdekur nga helmimi i metanolit në Iran.
20 persona kanë vdekur në provincën jugperëndimore të Khuzestan dhe 7 në rajonin verior të Alborz pasi konsumuan alkool kontrabandë, njoftoi të hënën agjencia shtetërore e lajmeve IRNA.
Pirja e alkoolit është e ndaluar në Iran për të gjithë, përveç disa pakicave fetare jo-muslimane.
Mediat lokale raportojnë rregullisht për raste vdekjeprurëse të helmimit të shkaktuar nga pije të kontrabanduara.
Një zëdhënës i universitetit mjekësor Jundishapur në Ahvaz, kryeqyteti i Khuzestan, tha se 218 persona ishin shtruar në spital pasi ishin helmuar. Helmimet u shkaktuan nga “thashethemet se pirja e alkoolit mund të jetë efektive në trajtimin e koronavirusit”, tha Ali Ehsanpour.
Zëvendës Prokurori i Alborz, Mohammad Aghayari, tha për IRNA se të vdekurit kishin pirë methanol pasi ishin “mashtruar nga përmbajtja në internet, duke menduar se po luftonin coronavirus dhe po e kuronin“. Nëse konsumohet në sasi të mëdha, metanoli mund të shkaktojë verbim, dëmtim të mëlçisë dhe vdekje.
