Ylli i PSG-së, Kylian Mbappe, rrezikon seriozisht mungesën në ndeshjen që skuadra e tij luan nesër ndaj Borussias së Dortmundi-t, në kuadër të takimit të kthimit për fazën e 1/16-ve në Ligën e Kampioneve.
Mbappe vuan nga një infeksion në fyt dhe në stërvitjen që PSG zhvilloi paraditen e sotme, ai nuk ishte i pranishëm. Ndërsa as ditën e djeshme ai nuk ndoqi seancën stërvitore me shokët e skuadrës, duke shtuar dyshimet për pjesëmarrjen e tij në këtë takim vendimtar.
Ndeshja e parë mes Dortmundit dhe PSG-së, u mbyll me rezultatin 2-1 në favor të gjermanëve, duke e lënë çështjen e kualifikimit tërësisht të hapur, edhe pse verdhezinjtë falë atij rezultati e shohin veten të avantazhuar.
