Atalanta ka arritur të fitojë dhe ndeshjen e dytë ndaj Valencias me rezultatin 3-4. Një ndeshje e madhe nga italianët që kalojnë me rezultat të përgjithshëm 8-4. Ndeshjen e parë e fituan në Itali me rezultatin 4-1, ndërsa sfidën e dytë në Spanjë me rezultatin 4-3.
Ndeshja u hap shumë shpejt, pasi Josip Ilicic gjeti rrjetën që në minutën e 2′. Ai shënoi me penallti, por u barazua shpejt rezultati nga Gramiero. Pjesa e parë u mbyll me fitoren e miqve me Ilicic që sërish u tregua i akullt nga penalltia duke mposhtur Cillisen.
Gramiero barazoi rezultatin sërish në pjesën e dytë për 3-3, ndërsa vendasit krijuan iluzion me golin e Torres. 20-vjeçari dhuroi show duke përshëndetur rrjetën. Atalanta kishte fatin të kishte një Ilicic në superformë, pasi gjeti dhe golin e tretë dhe të katërt personal për ekipin e tij. Atalanta e Berat Gjimshitit kalon për më tej duke prekur për herë të parë çerekfinalet.
