Zv.Kryeministri Erion Braçe i ka drejtuar një apel qytetarëve që janë kthyer nga Italia të vetëkarantinohen në banesat e tyre për të shmangur rrezikun e përhapjes së koronavirusit, nëse rezultojnë mbartës të virusit.
Përmes një statusi në rrjetet sociale, ai ka zbuluar edhe detaje të reja në lidhje me të infektuarin e gjashtë në Shqipëri, i cili sipas Ministrisë së Shëndetësisë është një 31-vjeçar me banim në Tiranë, që ka patur histori udhëtimi me Milanon 6 ditë më parë dhe është kthyer pas një qëndrimi të shkurtër 1 ditor në vendin fqinj.
Ndërkohë Braçe tregon që 31 vjeçari kishte shkuar vetëm disa orë në një spital në Milano për të vizituar dajën e shtruar dhe në këtë mënyrë ka fituar koronavirusin.
I riu ndodhet në Urgjencën e infektivit, ku po trajtohet nga mjekët. Numri i të infektuarve në 24 orët e para të konfirmimit zyrtar të rasteve me koronavirus ka shkuar në 6, 3 prej të cilëve janë persona të familjes me 2 rastet e para që u konfirmuan para dy ditësh nga Ministria e Shëndetësisë.
Statusi i plotë:
NJEREZ NESE KENI QENE NE ITALI DY JAVET E FUNDIT RRINI NE SHTEPI!
MOS DILNI! MOS SHKONI NE KAFE A RESTORANTE!
INFEKTONI TE TJERE KESHTU!
Ky virus shfrytezon fort menyren tone te jeteses;
E DIME MIRE, NE JEMI POPULL SHUME SOCIAL, “BEHEMI SHUME” ME NJERI TJETRIN!
I infektuari i 6-te eshte nje dale i ri qe ka shkuar vec per disa ore ne Milano, “per te pare dajen e shtruar ne spital atje”!!!!!!!!!! Vec kaq pak eshte dashur!
Pastaj dashuria e madhe per njeri tjetrin ketu e perhap me qef virusin!
Ndaj,
NESE KE QENE NE ITALI, VETEKARANTINOHU!
RI NE SHTEPINE TENDE!
SHPETON VETEN DHE GJITHKEND QE DO!
Beje tani!
