Vllaznia ka fituar me rezultatin 1-0 ndaj Partizanit. Sfida e luajtur në stadiumin “Loro Boriçi” nuk kishte asnjë tifoz në shkallët e stadiumit nisur nga gjendja alarmante e përhapur për shkak të koronavirusit. Ekipi kuqeblu arriti të fitonte për shkak të një episodi.
Ndeshja ishte e barabartë në tërsinë e saj me kampionët që ishin më këmbëngulës. Bardhi kishte mundësinë më të mirë për të zhbllokuar sfidën, por gaboi keq përballë portierit kundërshtar.
Shkodranët në krahun tjetër iu falën një penalltie të dyshimtë. Ai preku me dorë një top në minutën e 34′ dhe gjyqtari Kreshnik Cjapi akordoi direkt penallti. Lika nuk gaboi duke e dërguar në rrjetë, por polemikat mbeten.
Partizani u mundua të reagonte dhe barazonte rezultatin, por skuadra i dha Sormanit shijën e një tjetër humbjeje. 3 humbje radhazi për teknikun italian që nuk shijon fitoren në katër sfidat e fundit.
