Familjarët e gylenistit të liruar sot nga Apeli i Tiranës i tremben deportimit të tij drejt Turqisë, ku Selami Simsek rrezikon jetën.
Në media, u raportua se Simsek u dërgua në qendrën e pritjes së emigrantëve në Babrru pasi gjykata vendosi lirimin nga qelitë e paraburgimit “Mine Peza” në Tiranë, ku ai mbahej që prej muajit gusht të vitit të shkuar. Por, i ati i Selami Simsek shprehet se i biri nuk shkoi te qendra e pritjes së emigrantëve në Babrru, por po mbahet nga autoritet në një furgon të bardhë.
“Im bir pasi kreun dënimin me burg prej 8 muajsh, shkoi te Drejtoria e Kufirit dhe Emigrimit, aty pasi kreu të gjitha procedurat për të marrë azil, për të aplikuar për azil, nga ku do shkonte te kampi në Babrru, pasi doli nga Drejtoria e Kufirit dhe Emigracionit, nuk shkoi te kampi në Babrru por ka shumë orë, deri më tani, qysh prej orës 17:30 të drekës dhe deri tani shëtit me makinë, pas nesh te ky fugon”, shprehet ai.
“I ati është në gjemba duke pritur se çfarë do të bëhet me fatin e të birit”, shton përkthyesi.
Mjeti ku po mbahet Simsek
Simsek u arrestuar bashkë me mësuesin tjetër turk, Harun Çelik, i cili u transferua me urgjencë drejt Turqisë më datë 1 janar të këtij viti me një procedurë të dyshimtë nga autoritet shqiptare. Të njëjtin fat rrezikon dhe Simsek. Tani që dënimi i tij për falsifikim dokumentash ka mbaruar, familjarët i tremben deportimit të Simsek në Turqi. Nga autoritet turke, ai akuzohen si mbështetës i lëvizjes Gylen, që shteti turk e cilëson grupim terrorist. /Boldnews.al/
