Mes rastin e 8 Marsit – Dita Ndërkombëtare e Gruas, një grup grash dhe vajzash kanë zgjedhur të marshojnë në kryeqytet.
Pjesëmarrëset kanë brohoritur “kërkojmë drejtësi, barazi, barazi nuk ka, shteti represiv është dhunuesi im, edhe lule edhe të drejta”... Mesazhe të tjera lexoheshin në pankartat që mbanin në duar. Marshimi është ndalur para zyrës së kryeministrit Edi Rama.
Akuza u hodhën ndaj qeverisë dhe kryeministrit, se nuk po bën mjaftueshëm për të mbështetur femrat, liritë dhe të drejtat e ture.
Akuzat ndaj Arbana Osmanit
Një nga vajzat që mbajti një fjalim me megafonin e tubimit hodhi akuza ndaj prezantueses Arbana Osmani. Ajo tha se Arbana osmani e përdorur emisionin për të intimiduar femrat e dhunuar nga burrat, duke iu referuar dhe një episodi të transmetuar një ditë më parë.
“Në parlament ka përdhunues”
Një tjetër folëse përmendi deputetin e opozitës së re, Kostaq Papa dhe fjalimin e tij në Kuvend disa ditë më parë.
“Në rininë time, të gjitha femrat që më janë afruar mua, kur kisha edhe kaçurrelat, por kur kisha edhe paratë, kanë pirë më shumë uiski, apo pije të mira sesa ujë”, tha Kostaq Papa në një mesazh që e nisi në mbrojtje të femrave, por iu kthye në bumerang.
“Në parlament ka përdhunues”, u shpreh me megafon folësja, frazë që u brohorit nga të pranishmet në tubim.
Një marshim i ngjashëm u shënua dhe në Durrës më herët gjatë ditës.
https://www.facebook.com/orgpol/videos/2708630579251515/
