Pak ditë më parë Edi Rama, nga foltorja e Parlamentit i bëri thirrje emigrantëve shqiptarë që të deklarojnë pasurinë, ose përndryshe emri i tyre do të përmendet nga bjondia me syze e OFL-së.
Për më tepër, Rama përdori një fjalor të papranueshëm për shqiptarët që marrin lekët nga djersa e tyre, duke i quajtuar ata skllevër të ullinjve dhe mandarinave.
Pra ai theksoi se të gjithë emigrantët nëse nuk duan të ndëshkohen nga qeveria, duhet të deklarojnë të ardhurat nga puna në të zezë që kanë mbledhur gjatë gjithë këtyre viteve në emigracion, jashtë Shqipërisë aty ku nuk ekziston as mundësia minimale për të gjetur një punë e jo më për të mbledhur të ardhura mënjanë.
Lidhur me këtë deklaratë të pazakontë, një shqiptare, e cila jeton në Amerikë, i është kundërpërgjigjur Ramës duke e quajtur gjakpirës.
Ajo shprehet se paratë e tyre nuk do t’i shohin kurrë e se ato janë bërë me djersë dhe i takojnë vetëm vendit ku kanë punuar.
Ndër të tjera ajo thotë se nuk mund të deklarojë të ardhura në një vend që nuk trajtohet njësoj, si i pasuri ashtu dhe i varfëri.
