Një zonjë e moshuar rreth 70 vjeç ka humbur prej 2 ditësh në zonën e fushës së mbetjeve në Fier.
Zhevrie Verlaci, pjesë e komunitetit rom ka humbur kontaktet me familjarët ditën e djeshme rreth orës 12:00.
Sipas familjarëve, zonja merrej me mblidhjen e mbeturinave, tek fusha e mbetjeve të riciklueshme.
Ajo duhej të gjente një mënyrë për të blerë ilaçet, pasi vuante nga tensioni dhe mbledhja e mbetjeve ishte mënyra e vetme që të nxirrte të ardhurat.
Lulzim Ymeraj, përfaqësues i komunitetit rom ka bërë apel për ndihmë për të gjetur zonjën Zhevrie.
Ngjitur me fushën e mbetjeve ndodhet një lumë dhe dyshohet se ajo edhe mund të jetë mbytur, kështu që nevojitet edhe ndihma e polumbarëve.
Pas denoncimit nga ana e familjarëve, policia e Fierit është vënë në kerkim të 70-vjeçares.
