Pa tifozë, por me një Juventus që tregon të gjithë forcën e tij përballë Interit! Në “Allianz Stadium”, në një situatë surreale, djemtë e Sarrit fitojnë 2-0 ndaj Interit dhe shuajnë jo pak shpresat zikaltër për titull (edhe pse Interi ka një ndeshje më pak, atë ndaj Sampdoria).
Ramsey dhe Dybala në pjesën e dytë i japin goditjet ekipit të Contes, që megjithatë në 45′ e para u tregua edhe i rrezikshëm në disa momente, edhe pse pa “pickuar”, ndryshe nga “Zonja e Vjetër” që pati shans me De Ligt dhe Matuidi, por super Handanovic shpëtoi gjithçka.
Por, në pjesën e dytë, një përgjumje e mbrojtjes zikaltër solli golin e Ramsey dhe më pas, i hedhur si rezervë, Dybala dhuroi spektakël duke dribluar mbrojtjen e Interit dhe dërguar topin në rrjetë pas një aksioni personal dhe në bashkëpunim me Ronaldon.
Sukses i madh për Juventusin, që rimerr kreun e renditjes, 1 pikë mbi Lazion. Interi tani në vend të tretë, duhet të ndjekë…
