Në orën 17:30 do të luhet derbi i Manchesterit, ku vihen përballë United dhe City. Në prag të sfidës që do të luhet në “Old Trafford” dy trajnerët kanë zgjedhur edhe formacionet.
Solskajer ka ulur në stol Ighalon, i cili pavarësisht dy golave në Kupë ende nuk bind. Sulmi i është besuar Martial, i cili ka përkrah James dhe Bruno Fernandes.
Nga ana tjetër, edhe Pep Guardiola surprizon, teksa lë në stol Mahrez dhe i jep një fanellë titullari të riut Phil Foden. Në mbrojtje luajnë në krah Zinchenko dhe Joao Cancelo.
