Barcelona ka dalë triumfuese mbrëmjen e djeshme me rezultatin 1-0 ndaj Real Sociedadit në Camp Nou.
Pjesa e parë gjeti ekipin katalanas më kërkues, por në krahun tjetër, Sociedadi ishte rreshtuar mirë në fushë duke mos i lënë hapësira të shumta yjeve të kampionëve. Lionel Messi vazhdon të mos bindë, madje u duk i nervozuar në fushën e lojës. Kartoni i tretë i verdhë në 3 ndeshje radhazi si kurrë më parë në karrierën e tij.
Pjesa e dytë e pa skuadrën katalanase më lart, por që gjithsesi Sociedadi kishte rastet më të mira, ku në 3 kundërsulme të njëpasnjëshme, miqtë kishin mundësinë për të kaluar të parët në avantazh, por nuk u treguan gjakftohtë përpara portës.
Kur u mendua se gjithçka do të mbyllej me rezultatin 0-0, Barcelona fitoi një penallti. Messi nuk gaboi nga pika e 11 metërshit dhe e dërgoi në rrjetë për 1-0. Ekipi katalanas u qetësua dhe realizoi dhe në minutën e 90’+7′ golin e dytë me Jordi Albën, megjithatë u anulua nga VAR-i. Barcelona merr vendin e parë me 58 pikë, por me një ndeshje më shumë se Real Madridi që luan sot ndaj Real Betisit.
