Aktualisht Henrikh Mkhitaryan luan te skuadra e Romës në formë huazimi nga Arsenali.
Gjithsesi në përfundim të këtij sezoni, pritet që fantazisti armen të rikthehet te “Topçinjtë”, jo vetëm për çështje kontraktuale, ku nuk parashikohet e drejta e blerjes nga Roma, por edhe për dëshirën e trajnerit Mikel Arteta.
Tekniku spanjoll, ka deklaruar se gjithmonë i ka admiruar cilësitë e 31-vjeçarit dhe se është një lojtar që përshtatet të çdo skuadër kur është në formën e tij më të mirë.
“Gjithmonë më ka pëlqyer Mkhitaryan. Ai është tipi lojtarit që në formën optimale të tij mund të përshtatet te çdo skuadër, fare mirë mund të bëjë pjesë edhe në formacionin tim”. – ka thënë Arteta.
Kontrata e Mkhitaryan me Arsenalin skadon në verën e vitit 2021 dhe nëse rikthehet për të qëndruar te “Topçinjtë” nuk përjashtohet as rinovimi i kontratës.
