“Një ministër i Qeverisë Rama hyn e del në Presidencë dhe bën negociata me Presidentin”. Kështu u shpreh mbrëmjen e djeshme në emisionin “Zonë e Lirë” analisti Arjan Curri. Gjatë debatit me nënkryetarin e LSI-së, Petrit Vasili, Curri tha se LSI duhet të mbajë përgjegjësinë e saj lidhur me mbështetjen që i ka dhënë Edi Ramës në mandatin e parë qeverisës.
“Janë dënuar njerëz pse nuk paguanin energjinë elektrike dhe ju duhet të mbani përgjegjësi”, iu drejtua Curri, Vasilit.
Gjatë debateve lidhur me përplasjet Rama-Meta, analisti Arjan Curri ka treguar se një ministër i qeverisë Rama hyn dhe del përditë në Presidencë që të bindë Metën të tërhiqet.
“Është një ministër i Ramës që hyn dhe del në Presidencë dhe bën negociata që këta (Meta) të tërhiqen”, tha Curri, por dha emër. Por, moderatori i emisionit Arian Çani duke ndërhyrë tha “është Tigri, Tigri, kështu e njohin”.
Vasili nga ana e tij mohoi një deklarim të tillë, duke thënë “e keni gabim”.
