Një nga truprojat e ish ministrit të Brendshëm Matteo Salvini ka rezultuar pozitiv në testet për koronavirusin e ri.
Truproja i infektuar, një agjent që merret me sigurinë e Salvinit, që është drejtuar i “Lega”, nuk ka qenë në kontakt me të në ditët e fundit dhe se ai nuk ka hipur në makinë me të.
Polici doli pozitiv pasi iu nënshtrua testeve sipas protokollit dhe para se të mbërrinte përgjigja e testit, ai së bashku me kolegët e tij janë izoluar në karantinë.
Pasi dëgjoi lajmin, Matteo Salvini tha se ndjehej i qetë dhe, nëse ishte e nevojshme, ishte i gatshëm t’i nënshtrohej testeve për të kontrolluar nëse edhe ai kishte i prekur nga virusi i frikshëm. Megjithatë asnjë masë paraprake nuk është urdhëruar ndaj tij sepse, siç përsëritet, agjenti i infektuar nuk ka pasur kontakt me kreun e partisë Liga.
Matteo Salvini shkroi në rrjetet sociale: “Jam mirë, do të bëj atë që më kërkojnë të bëj. Nuk kam qenë kurrë në kontakt me efektivin e policisë, do të bëj gjithçka që autoritetet më kërkojnë të bëj, si çdo qytetar tjetër”.
“Kushdo që arrin të bëjë polemikë edhe për një sëmundje, në disa raste duke arritur të më urojnë edhe vdekjen, nuk meriton përgjigje, maksimumi një buzëqeshje”, ka shkruar Matteo Salvini në një postim të publikuar në rrjetet sociale.
