Policia e Durrësit ka dhënë detaje nga ngjarja e rëndë që ndodhi mbrëmjen e djeshme, ku një burrë pasi ka dhunuar gruan e tij, ka tentuar të vrasë veten.
Ngjarja ndodhi në lagjen nr.13, ku shtetasi A.H., 50 vjeç, ka dhunuar gruan e tij, duke i shkaktuar asaj dëmtime, deri në humbje ndjenjash. Ndoshta i trembur ose duke menduar më të keqen, 50-vjeçari ka tentuar të mbysë veten, por u shpëtua falë ndërhyrjes së fqinjëve dhe policisë.
Aktualisht gruaja ndodhet në spital, nën kujdesin e mjekëve jashtë rrezikut për jetën. Ndërkohë, Specialistët për Hetimin e Krimeve në Komisariatin e Policisë Durrës, arrestuan në flagrancë shtetasin: A.H.,50 vjeç, banues në Durrës.
Ja njofimi i plotë i policisë:
Durrës
Specialistët për Hetimin e Krimeve në Komisariatin e Policisë Durrës, arrestuan në flagrancë shtetasin:
A.H.,50 vjeç, banues në Durrës.
Ky shtetas ka ushtruar dhunë fizike dhe psikologjike ndaj bashkëshortes së tij shtetases A.H., e cila ndodhet në spital nën kujdesin e mjekëve jashtë rrezikut për jetën.
Materialet i kaluan Prokurorisë së Rrethit Gjyqësor Durrës për veprën penale “Dhuna në familje”
