Mikaela Spielberg, vajza e regjisorit të filmit me famë Steven Spielberg, tha se ajo është “zemërthyer” dhe ndjehet e “tradhtuar” pasi u arrestua për dhunë në familje, dhe pohon se ajo kishte nevojë për ndihmë.
Incidenti ka ndodhur të shtunën rreth orës 4 të mëngjesit, pasi çifti u kthye në shtëpi nga një natë në qytet kur Spielberg dyshohet se u acarua pas një “komenti të vrazhdë” nga i fejuari. I fejuari i saj dyshohet se ka pësuar prerje në dorë.
23-vjeçarja u la e lirë me një gjobë prej 1.000 dollarësh pasi kaloi 12 orë në paraburgim në Nashville, Tenn.
Ajo u tha autoriteteve se arrestimi i saj nuk ishte gjë tjetër veçse një keqkomunikim me oficerët në skenë dhe se ajo nuk duhej të arrestohej.
“Unë jam shumë e prekur shpirtërisht dhe ndjehem e tradhtuar sepse kërkova ndihmë mjekësore,”- tha Mikaela Spielberg në një deklaratë.
