Ditën e djeshme, Liga e Futbollit Italian, vendosi që futbolli në Serinë A përgjatë këtij muaji, do të zhvillohet pa praninë e tifozëve.
Ndërsa sipas “La Gazzetta dello Sport”, me të marrë vesh lajmin, Claudio Lotito, presidenti i Lazios, ka bërtitur me të madhe duke kundërshtuar dhe duke pohuar në sallë se nuk ishte e drejtë të zgjidhej dhe vendosej kështu për të gjithë, duke qenë se ka rajone që nuk shfaqin këtë rrezik. Kjo i duhej lënë prefekturave të rajoneve të posaçme.
Por, për shtetin italian, kjo masë ishte më e pakta që mund të bëhej pasi pezullimi total i futbollit të luajtur ishte një opsion gjithashtu, por duke kuptuar pakënaqësitë e shumta që do të sillte ai vendim u vendos që ndeshjet të luheshin pa tifozë në të gjithë zonat e Italisë.
