Princ William dhe dukesha Kate shkuan në një vizitë të rëndësishme diplomatike në Irlandë. Ndërkohë e gjithë Britania është përfshirë nga paniku i koronavirusit, ku deri më tani janë 85 raste të konfirmuara me këtë virus.
Ata u shfaqën të veshur me doreza por mesa duket, princi William nuk është dhe aq i shqetësuar me situatën e krijuar, e madje ka bërë edhe disa batuta në lidhje me panikun e përhapur.
Në një bisedë me një mjek të emergjencës, në Dublin, Duka e ka pyetur se si po e menaxhojnë krizën dhe pastaj ka shtuar: “Vë bast që të gjithë ju thonë jam me koronavirus, po vdes dhe ju (mjekët) i thoni që është thjesht një kollë e zakonshme.”
William mendon se kjo gjë është dramatizuar më shumë se ç’duhet.
“Meqë ra fjala, Duka dhe Dukesha e Cambridge po përhapin koronavirusin. Më vjen keq. Më thuaj nëse është e nevojshme të ndalojmë” – ka thënë ndër të tjera William.
Kjo bisedë është kapur nga kamerat dhe është bërë menjëherë virale. Komentet ishin nga më të ndryshmet, disa ishin dakord me mendimet e princit dhe e kthyen në humor por disa të tjerë mendonin se ishin komente të tepruara që nuk i kanë hije një princi.
