Policia e Lezhës arrestoi një 24-vjeçar, i shpallur në kërkim prej dy vitesh. Sipas një njoftimi zyrtar, Martin Stenaj, banues në Torovicë, u arrestua pasi gjykata e Apelit Shkodër e kishte dënuar me 3 vite e 4 muaj burg, për veprën penale “Prodhimi dhe shitja e narkotikëve”, njofton policia.
24-vjeçari rezultonte person i shpallur në kërkim prej vitit 2018.
“Policia e Lezhës, në vijim të punës për zbatimin e planit të masave për evidentimin e goditjen e paligjshmërisë, vënien përpara përgjegjësisë ligjore të autorëve të veprave penale, si dhe personave në kërkim, mbi bazën e informacioneve të marra në rrugë operative për vendndodhjen e një shtetasi në kërkim, ka mirëorganizuar punën duke bërë të mundur që në fshatin Torovicë, Lezhë, të kapet dhe ndalohet shtetasi:
Martin Stenaj, 24 vjeç, banues në Torovicë, Lezhë.
Ky shtetas ishte shpallur në kërkim në prill të vitit 2018, pasi Gjykata e Apelit Shkodër e ka dënuar 3 vite e 4 muaj burg, për veprën penale “Prodhimi dhe shitja e narkotikëve””, thuhet në njoftimin e policisë.
