Kolegji i Posaçëm të Apelimit, i kryesuar nga Ina Rama dhe anëtarë, Rezarta Schuetz relatore, Ardian Hajdari, Luan Daci, Sokol Çomo la në fuqi sot vendimin e KPK për shkarkimin nga detyra të gjyqtarit Izet Kadana.
Kadana në shkallën e parë të Vetting rezultoi me pasuri të pajustifikuara, me lidhje familjare me persona të dyshuar për aktivitet të krimit të organizuar si dhe me probleme me etikën në punë për rastin e punësimit të bashkëshortes në prokurorinë e Pukës.
Izet Kadana e ka nisur karrierën në sistemin e drejtësisë në vitin 1993 dhe prej më shumë se 15 vitesh punon si gjyqtar në Gjykatën e Pukës. Në vitin 2016, Kadana u emërua nga KLD si kryetar i kësaj gjykate.
Vendimi i Kolegjit të Posaçëm të Apelimit për Kadanën është përfundimtar.
