Një nxënës dyshohet se ka shkaktuar helmimin e rreth 30 nxënësve të shkollës Janaq Kinica. Ngjarja ka ndodhur rreth orës 11:00 të mëngjesit të sotëm, ndërsa sipas policisë dyshohet se helmimi ka ardhur si pasojë e një spray piperi.
Nga të dhënat e para mësohet se një nxënës nga fshati Kyrjan ka hedhur spray piperi në ambientet e shkollës. Madje dyshohet se i njëjti nxënës shkaktoi se helmimin e nxënësve pak ditë më parë në të njëjtën shkollë.
Prokuroria ka nisur hetimet, ndërsa gjendja shëndetësore e nxënësve që janë shtruar në spital paraqitet e stabilizuar.
Fier/Informacion paraprak
Sot rreth orës 11:10, në spitalin Rajonal Fier kanë shkuar për kontroll mjekësor disa nxënës të një shkolle të mesme që kanë pasur probleme me frymëmarrjen.
Menjëherë në vendngjarje kanë shkuar shërbimet e Policisë dhe grupi hetimor dhe nga veprimet e para të kryera në bashkëpunim të ngushtë me Prokurorinë Fier, Drejtorinë Arsimore dhe Drejtorinë e Shkollës, paraprakisht dyshohet se është përdorur sprajt piperi nga një nxënës i kësaj shkolle.
Grupi hetimor nën drejtimin e Prokurorisë vijon veprimet për të zbardhjen e plotë të kësaj ngjarje.
