Policia spanjolle arrestoi disa shtetas me kombësi të ndryshme, përfshi edhe shqiptarë, si të dyshuar për pjesëmarrje në një organizatë ndërkombëtare të trafikimit të drogës.
Dyshohet se organizata vepronte në disa shtete europiane, ndërsa policia spanjolle arrestoi 14 shtetas.
Operacioni nisi marsin e vitit të kaluar kur një grup i përbërë nga shtetas me origjinë shqiptare po hetohej për zotërimin e një plantacioni të brendshëm marijuane në qytetin verilindor spanjoll të Reusit.
Produkti narkotik eksportohej më pas drejt destinacioneve si Franca, Holanda, Gjermania dhe Italia, për të përfituar nga çmimet e larta të tregut.
Transporti kryhej nga Barcelona, me ndihmën e kamionëve të regjistruar që dërgonin dy-tri herë në muaj ngarkesa deri 200 kg substanca narkotike.
Gjatë operacionit të fundit, policia spanjolle bastisi 6 godina të të dyshuarve ku edhe gjeti një total prej 200 kg bimë narkotike të paketuara, pajisje elektrike në plantacionin për rritjen e bimëve, dhe më shumë se 10 mijë euro vlera monetare.
