Blogerja Alba Danaj është në qendër të vëmendjes së mediave që prej ditës së djeshme për shkak të një postimi në Instagram ku i drejtohej Jonida Maliqit.
Jonida e ftuar në “Klanifornia” u shpreh që nuk i pëlqen trendi i ri i çantave të vogla por ish-shoqja e saj e ngushtë Alba, mesa duket nuk e ka pëlqyer këtë deklaratë dhe shkruan: “Hahaha se në fakt u këpute duke blerë të mëdha. Laj borxhet e atyre që ke mi fasadë dhe pastaj fol e komento për çanta. Mjerë në duart e kujt ka ngelur opinioni për modën”.
Kjo nuk është hera e parë që Alba i drejtohet Jonidës pasi prej muajsh ka patur postime e komente të tilla kundër këngëtares.
Fustanin që Jonida veshi në “Këngën Magjike”, Alba e cilësoi “fustan halloweeni”.
Por edhe kur Olti Curri në një postim shkruante: “Jonida Maliqi nuk do të jetë më pjesë e jurisë së ADC-së? Çfarë do të ndodhë në episodin e sotëm?”, Alba komentoi: “Përveç teje që paske qenë keq për të kujt po i plas…”
“Juve shoqërisë së ngushtë”, ia ktheu Olti dhe komentet mes blogeres dhe ndjekësve që i kujtonin blogeres shoqërinë e tyre të ngushtë nuk kishin të mbaruar.
Mesa duket nga postimet ish-mikesha e “përndjek” prej muajsh në rrjetet sociale Jonidën.
Jonida reagoi mbrëmjen e djeshme nëpërmjet disa postimeve ku me lezet i hidhte disa thumba Albës.
“Urrejtja nuk është gjëja më e rrezikshme, indiferenca është”, thoshte Jonida ndër të tjera.
Pas gjithë kësaj “zhurme të madhe”, burime për “Tiranapost”, bëjnë me dije se Jonida Maliqi nuk është ndjerë mirë nga këto komente të Albës dhe nuk ka ndërmend të flasë pasi do lërë avokatin e saj të merret.
Ajo do e lërë në dorë të ligjit dhe me sa duket këngëtarja do të hedhë në gjyq mikeshën e saj.
Nuk dihet ende asgjë për arsyen që ka çuar në prishjen e mardhënieve mes dy mikeshave të ngushta por dihet tashmë që Alba nuk nguron ta ofendojë Jonidën në çdo postim apo lajm që ka të bëjë me këngëtaren.
