Pas golit në “El Clasico” kundër Barcelonës, Mariano Diaz, u rikthye të stërvitet ditën e hënë në Valdebebas, pa ditur pozicionin e qartë të tij në klubin e Realit të Madridit.
Mbetet për tu zbuluar fakti nëse goli ndaj rivalëve blaugranas, do ta risjellë 26-vjeçarin në listën e skuadrës së “Los Blancos”, apo do të vazhdojë të jetë një zgjedhje sporadike për Zinedine Zidane.
Aktivizimi ndaj Barcelonës ishin minutat e parë të lojtarit në La Liga ndërsa më parë ishte aktivizuar vetëm një herë në Superkupën e Spanjës pas mungesave të Karim Benzemas, Eden Hazard, Gareth Bale dhe Lucas Vazquez. “Jam shumë i lumtur për debutimin tim”, tha me shaka 26-vjeçari pas ndeshjes në rrjetet sociale.
Gjithçka është në dorën e Zinedine Zidane, por fjalët e teknikut francez pas ndeshjes me Barcelonën japin pak shpresa për një aktivizim të rregullt të sulmuesit spanjoll. “Mariano është zgjedhje e tretë e skuadrës dhe bëri mjaft mirë, por kjo nuk ndryshon asgjë”- ka thënë strategu francez ë konferencën për shtyp
“Gjithsesi jam i lumtur pasi nuk ka qenë e lehtë për të pasi nuk ka luajtur shumë”- do të përfundonte Zidane.
Siç deklaron “Marca”, mosaktivizimi i Marianos nga Zinedine Zidane, është një hap deri diku i gabuar, duke pasur parasysh se lojtarë të tillë si Luka Joviç dhe Gareth Bale kanë zhgënjyer plotësisht këtë sezon dhe nga ana tjetër, Mariano, ka treguar herë pas here kur është aktivizuar se është i aftë të tregojë aftësitë e tij dhe të shënoj.
