Ministria e Shëndetësisë dhe ajo e Arsimit ende nuk kamë reaguar zyrtarisht lidhur me situatën e krijuar në shkollën Janar Kinica në Fier.
Raportohet se në spitalin rajonal të Fierit janë shtruar rreth 30 nxënës, por institucionet nuk japin informacione lidhur me atë që ka ndodhur në ambientet e shkollës.
Dyshimet e para janë për një lëndë helmuese që nuk dihet nëse është hedhur apo në një nga laboratorët e shkollës po kryhej një eksperiment.
Nxënësit patën probleme me frymëmarrjen, marrje mendsh me përzierje, shenja të ngjashme me një helmim.
Nga të dhënat e spitalit rajonal mësohet se gjendja shëndetësore e nxënësve është stabël, asnjë prej nxënësve nuk ka probleme të rënda me shëndetin, ndërsa kanë nisur hetimet për zbardhjen e ngjarjes.
Pritet përgjigjia e analizave për të përcaktuar shkakun e helmimit.
