Policia Kufitare e Kapshticës ka proceduar penalisht një 38-vjeçar pasi nuk i kishte të deklaruara 1.580.000 lekë të cilat iu gjetën në çantën personale.
Bëhet fjalë për shtetasin me iniciale E.D., banues në fshatin Pezë, Tiranë
“Gjatë kontrollit në vijën e dytë, në çantën personale të këtij shtetasi, i cili do të udhëtonte për jashtë vendit Policia Kufitare në bashkëpunim me doganën, i gjet e sekuestroi në cilësinë e provës materiale vlera monetare në lekë, euro dhe paund, të cilat kapin vlerën 1.580.000 lekë” thuhet në njoftimin e policisë.
Në përfundim të veprimeve materialet i kaluan për veprime të mëtejshme Prokurorisë pranë Gjykatës të Shkallës së Parë Korçë për veprën penale “Mosdeklarimi në kufi i të hollave dhe i sendeve me vlerë”
