Një aksident me përfshirjen e dy urbanëve të Tiranës është regjistruar mëngjesin e sotëm.
Ngjarja ka ndodhur pranë komisariatit numër 4.
Urbani i linjës Kombinat-Kinostudio është përplasur nga një urban i një linje tjetër. Sipas dëshmitarit, i cili ka dërguar edhe video në redaksinë e JOQ ALBANIA, thuhet se urbani i linjës tjetër ka qenë pa frena, e për pasojë ka goditur autobusin e Kombinatit.
Fatmirësisht nuk ka patur të lënduar, por shihet që nga përplasja urbani ka hipur në bordurën ndarëse të rrugës.
Qytetari shprehet gjithashtu se pas aksidentit të gjithë pasagjerët kanë zbritur dhe janë detyruar të marrin një urban tjetër.
Nuk është hera e parë që mjetet e transportit publik përfshihen në të tilla aksidente.
Qytetari tregon: “Aksident te komisariati numer 4, autobusi mbrapa nuk kishte frena dhe ja futi ketij. E hipi autobusin ne bordure. I la njerzit ne kembe. Flm”
