Bashkia e qytetit të Durrësit, një nga më të mëdhatë e vendit, për disa kohë nuk do të drejtohet nga kryetari i deleguar Zhyljen Varfaj, i emëruar pas largimit të bujshëm të Kryebashkiakes Valbona Sako.
Zhuljen Varfaj do të largohet për disa kohë nga kryesimi i kësaj Bashkie, për shkak të problemeve shëndetësore. Varfaj do të largohet jashtë vendit, drejt Gjermanisë, ku do ti nënshtrohet një ndërhyrjeje kirurgjikale.
Për kryesimin e kësaj Bashkie, pesë ditë më parë është emëruar si nënkryetare e Bashkisë Durrës, Emirjana Sako. E përfolur si njeri i besuar i ish-kreut të bashkisë Durrës, Vangjush Dako, ajo do të ketë të drejtën e firmës në mungesë të Varfaj.
Emirjana Sako mban dhe postin e drejtoreshës së Shërbimeve në këtë institucion.
