Gjykata Penale e Tiranës ka kaluar për gjykim dosjen penale në ngarkim të ish-deputetit demokrat, Klevis Balliut, dhe disa prej banorëve të Unazës së Re: Lulzim Maqinaj, Ilir Katiraj, Seit Hajderas dhe Elton Skënderi.
Akuzat që rëndojnë mbi ta janë “kundërshtim i forcave të policisë” dhe “tubim i paligjshëm
Ish-deputeti Klevis Balliu në fjalën e tij për mediat jashtë ambienteve të Gjykatës e cilësoi si një vendim të padrejtë dhe iu bëri thirrje qytetarëve që të marrin pjesë në manifestimin që do të zhvillohet sot në orën 17:00 në bulevardin “Dëshmorët e Kombit të organizuar nga preisidenti Ilir Meta kundër “grushtit të shtetit”.
“Fakti është ky, që aty ka një shkelje Kushtetute për të ndërtuar pallate dhe jo rrugë, sepse ajo është rruga më e gjerë në Shqipëri. Në të njëjtën zonë ku jepen leje për oligarkët prishen shtëpiat e qytetarëve. Nga sot, të marshojmë për të mbrojtur Kushtetutën për t’i bërë me dije qytetarët se ka ikur koha që zyrtarët që s’merrnin përsipër përgjegjësi do të përballen me drejtësinë” – u shpreh ish-deputeti.
