Nga Boldnews.al
Pushtetarë, por edhe “njerëzorë”, kur me fëmijët në krahë, përdore shëtitje, rendin rrugëve të Shqipërisë për të treguar se edhe ata janë si të gjithë qytetarët e këtij vendi. Sot ishte radha e kreyebashkiakut të Tiranës Erion Veliaj, që me djalin e vogël në krahë një vjeç e gjysëm, e çoi në mbledhjen e partisë dhe parisë së Rilindjes!
“Hajde ke xhaxhi, sa qenka rritur”-, “nuk të ngjaka shumë Erion..”,- “i ngjan i ngjan”-thotë një tjetër… Që të gjithë në një tavolinë ku nuk pihet vetëm kafe, por luhet me fatin e çdo qytetari në këtë vend. Kryeministri, ministra dhe persona të rëndësishëm pranë qeverisë shpërqëndrohen për pak çaste nga prania e djalit të kryebashkiakut të Tiranës. Lali Eri, gati sa nuk i thotë, “ja ky xhaxhi i gjatë e ka bërë babin të madh”…!
Kreu i bashkisë së Tiranës nuk e çoi famijën aty se nuk ka kush ta mbajë. Xhepi i tejfryrë ia mban bejagi që të paguajë dado, por edhe nëse nuk i dalin “llogaritë” në fund të muajit, babi Eri ka investuar në çerdhe shtetërore…. Të paktën kështu thotë! Po sot jemi në një shfaqje për dy arsye. E para për të stisur një propagandë, për t’i shfaqur këta gogolë të vërtetë të pushtetit dhe makutëris,ë si tepër njerëzore dhe qytetarë të mirë që kanë edhe ata halle dhe probleme si çdokush tjetër.
Erioni e mbushi ditën me propagandën e tij, qoftë edhe duke i bërë një shëtitje të voglit, për ti prezantuar “shokët e babit” që ka ndarë kaq shumë të mira materiale dhe benefite të tjera që ia jep luksi i pushtetit në vendin më të varfër në Europë.
Djali apo vajza e tyre nuk janë si të tjetërët, edhe kur bëhet fjalë për shfaqje. Jemi në një rast unikal në këtë botën politike ku kryebashkiaku i Tiranës nuk lë fëmijë çerdheje, kopshpi dhe shkollash pa u përdruar imazhin në rrjetet sociale dhe kronikat televizive, duke i shfrytëzuar e përshfaqur me fytyrë, por djalin e tij vetëm për fytyrë askush nuk e ka parë. Dhe mirë bën, të vegjëlit duhen ruajtur, por fëmijën e tjetrit perse e shfrytëzon për imazhin e pështirë?! Kjo është një histori e gjatë që Lali as ka ndërmend të heqë dorë, për aq kohë sa prindër të këtyre fëmijëve që i dërgojnë në institucionet e arsimit nuk reagojnë kur e shohin në një foto apo video të kreut të bashkisë.
Pjesa tjetër është e dhimbshme, kemi një “mostër propagande” që kërkon të imponojë edhe më të pabesueshmën, për ta shitur veten si çdo qytetar tjetër në vend. Në Tiranën e Lali Erit ka plot prindër që nuk kanë para të paguajnë për bebelinat e fëmijës. I mbajnë me orë të zgjata vetëm me një palë që të kursejnë edhe aty në higjenën e më të voglit.
Marrin para borxhë për të rendur në farmaci dhe blerë atë qumësht me kuti, sepse nëna e fëmijës nuk ushqehet aq mirë sa ta mbajë me gji. Sigurisht që fëmijët e politikanëve do të rriten mes së mirash, të diferencuar nga pjesa tjetër e shoqërisë. Ky mentalitet është shtrirë gjerë ku shumica e politikanëve, veçarisht të pushtetit fëmijët e tyre i kanë në shkolla jashtë vendit. Ua paguajnë shtrenjt atë shkollim dhe më pas përgatiten për të kaluar safetën. Nuk është aspak çudi që ata të jenë trashëgimtarë të çdo lloj pushteti.
Po i përgatisin që sot me “shfaqje në publik”. Në takime me parinë e partisë për të kuptuar që në gjenezë se çdo lloj e mire që shohin me sy vjen pikërisht nga ato takime mbledhhjesh, që më shumë se të diskutojnë për nisma në shërbim të publikut, janë takime dhe marrëveshje okulte që mbyllen me copëtimin e radhës të asaj pasurie që ende ka mbetur, për të “njomëzuar” gojët e tyre të babëzitura.
