Eksperienca e re e Jose Mourinhos në drejtimin e Tottenham-it po kthehet shumë shpejt në zhgënjyese.
Skuadra e portugezit, humbi ditën e sotme me rezultatin 2-3 kundër Wolverhampton. Pas tre fitoreve radhazi në kampionat, Tottenham zhgënjen menjëherë, një situatë që e ka ndjekur gjatë gjithë vitit klubin, pa mundur të gjejë vazhdimësinë për asnjë moment.
Bergwin kaloi skuadrën e Mourinhos në avantazh në minutën e 13-të. Përgjigja e vendasve do të vinte në minutën e 27-të, përpara se Aurier të rikthente avantazhin për “Gjelat” në minutën e fundit të pjesës së parë.
Kapitullimi i Tottenham, do të vinte gjatë pjesës së dytë. Portugezi, Diogo Jota barazoi për herë të dytë rezultatin e ndeshjes në minutën e 57-të. Në minutat në vijim u shfaq një Tottenham pa asnjë ide, ndërsa kundërshtarët shfaqeshin më rrezikshëm.
Falë tentativave të shumta, ekipi i Wolves u shpërblye në minutën e 73-të, aty ku meksikani Jimenez realizoi përmbysjen e madhe, me sfidën që do të mbyllej në shifrat përfundimtare 2-3.
Me këtë fitore, Wolves, parakalon në renditje pikërisht skuadrën e Mourinhos duke u ngjitur në vendin e gjashtë.
