Chelsea nuk ka shkuar më shumë se një barazim 2-2 në transfertën e Bournemouth.
Një tjetër paraqitje zhgënjyese nga të besuarit e Frank Lampard, për të cilët sigurimi i një vendi në mes katër më të mirëve në Premier League po vështirësohet javë pas jave.
Ishin miqtë ata që kaluan të parët në avantazh me golin e Marcos Alonso në gjysmën e pjesës së parë. Megjithatë, vendasit kanë përmbysur gjithçka pas pushimit me golat e Lerma dhe Josh King.
Kur dukej sikur Bournemouth do të merrte tri pikë tepër të rëndësishme në luftën për mbijetesë, Alonso ka shpëtuar Lampard me një tjetër gol, i katërti në 6 ndeshjet e fundit.
Chelsea ruan vendin e katërt edhe për këtë javë, por tani Man United dhe Tottenham mund t’i afrohen akoma më shumë.
