Ka ndodhur shpesh që kryeministri Rama iu prezanton qytetarëve projektet 3D, të cilat janë vetëm propagandë pasi nuk bëhen realitet.
Një prej tyre ishte aeroporti i Kukësit, ku Rama prezantoi si projekt disa pamje 3D të cilat ishin marrë nga Aeroporti i Kutaisit në Gjeorgji, ideuar nga studioja UN. Ishte vetëm një mashtrim i radhës nga ana e kreut të qeverisë, pasi edhe sot as që kanë nisur punimet për t’u bërë aeroporti, e jo më të nisin fluturimet. I vetmi që ka fluturuar nga Kukësi ka qenë Rama, jo në realitet por në botën e tij të propagandës.
Këtë herë mashtrimin e radhës për qytetarët me projekte 3D të vjedhura e ka bërë kryebashkiaku i Tiranës, Erion Veliaj. Sot ai ka prezantuar pamjet 3D të “Kampusit Universitar”.
“Nis puna për kampusin e ri universitar. Themi atë që bëjmë, bëjmë atë që themi!” – shkruan Veliaj duke e shoqëruar me pamjet 3D.
Por siç duket fjalën “punë” Veliaj e ka patur për gjetjen e pamjeve në internet e për t’i hedhur në rrjetet sociale për propagandë, pasi ato fotografi rezultojnë edhe më parë në Internet. I përkasin kompanisë “BENDHEIM” për projektin e Institutit të Artit Bashkëkohor në Boston.
Pra ka dy mundësi: ose Veliaj ka vjedhur vetëm fotot për propagandë ose ka vjedhur komplet projektin. Kryebashkiakut të Tiranës i janë zbuluar shpesh herë foto të marrë në internet duke i postuar në profilet e tij në rrjetet sociale për propagandë.
Lalin e shohim 24 orë në TV duke folur vetë “fjalë të mira”, pra propagandë boshe, madje duke e krahasuar Tiranën që ai drejton me Vienën e Austrisë, por në të vërtet qytetarëve vetëm iu janë rritur taksat gjatë mandatit të Veliaj dhe kushtet vetëm iu janë përkeqësuar. Rekordin e vetëm që mban Veliaj për Tiranën është vetëm dhënia e lejeve të ndërtimit për kulla./E.B./BoldNews
