Në çdo vend të botës, ndaj Coronavirusit po merren masat parandaluese të nevojshme. Në mënyrë të veçantë bota e futbollit është ajo që vëzhgon gjithçka me imtësi.
Arsyeja është sepse futbollistët janë gjithmonë në lëvizje dhe në kontakte me shumë persona ndërsa edhe grumbullimi në masë i tifozëve është një mënyrë e rrezikshme e përhapjes së saj.
Ndërsa së fundmi këto masa kanë goditur edhe një nga protagonistët e futbollit anglez, Son Hueng Min. Sulmuesi aktualisht ndodhet në Seul, ndërsa sapo të kthehet nga Korea e Jugut do të përfundojë në karantinë për një periudhë 2 javore.
Këtë vendim e ka komunikuar, Jose Mourinho, i cili thekson që nuk ishte një vendim i tij por i klubit.
“Nuk më takon mua ta gjykoj këtë vendim. Në këto situata është e drejtë që masat e nevojshme t’i marrin autoritetet, qeveria. Klubi u përmbahet rregullave të tyren dhe kjo vlen dhe për Sonin.” – tha tekniku portugez.
Në Korenë e Jugut ka të paktën 2500 raste të konfirmuara të Coronavirusit.
