Vetëdeklarimi i pasurisë/ OFL i dërgon formularët dy të dënuarve në Elbasan e Krujë

Operacioni Forca e Ligjit u ka kërkuar sot të justifikojnë pasurinë dy të dënuarve në Elbasan dhe Krujë. Raportohet se shtetasve që u është kërkuar vetëdeklarimi i pasurisë janë Flamur Haka nga Nikla, i dënuar për vjedhje me dhunë dhe Talo Çela nga Elbasani i dënuar për “Trafikim i lëndëve narkotike”.

“Në këtë kuadër, OFL u ka dërguar kërkesat për vetëdeklarim të pasurisë shtetasve:

F. H., banues në Krujë, i dënuar për veprën penale “Vjedhja me dhunë”;

T. Ç., banues në Elbasan, i dënuar për veprën penale “Trafikim i lëndëve narkotike”;

LEXO EDHE  Rritja e rasteve me Covid 19/ A do të kemi rikthim në karantinë? Ja çfarë thotë Pipero

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së.

Më pas, përgjigjet e marra do t’i dërgohen SPAK-ut, për veprime të mëtejshme.

OFL është në veprim të pandërprerë dhe në kryerje të veprimeve komplekse, për të evidentuar dhe dërguar në SPAK, të gjithë personat që janë subjekt i Ligjit Special”, thuhet në njoftimin e OFL..