Trajneri i Belgjikës Roberto Martinez, është optimist se Eden Hazard do të jetë i gatshëm për kombëtaren e tij në Kampionatin Evropian të verës.
Që nga koha kur Hazard, iu bashkua Realit të Madridit, belgu ka vuajtur nga problemet fizike, ndërsa sapo u rikuperua nga një dëmtim i pësuar në muajin tetor tani ai është dëmtuar sërish.
U përfol se për Hazard sezoni mund të kishte përfunduar por nuk është i këtij mendimi Martinez, i cili ka deklaruar se 28 vjeçari do të rikthehet përpara përfundimit të La Ligës duke qenë kështu i gatshëm për Euro 2020.
“Kemi folur me Eden për dëmtimin e tij. Të gjithë janë të zhgënjyer me këtë dëmtim, por është lojtari ai që më së shumti e vuan këtë situatë. Gjatë 8-të viteve të fundit ai ka munguar në shumë pak ndeshje por në sezonin aktual ka qenë i pafat”.
“Jam i bindur që ai do të rikthehet në aksion përpara përfundimit të La Ligës dhe gjithashtu do të jetë i rëndësishëm për skuadrën e Real Madrid”. – ka thënë trajneri i Belgjikës për gazetën spanjolle “Cope”.
