Kush janë tre individët e radhës që OFL iu kërkon deklarimin e pasurisë (EMRAT)

FOTO ILUSTRUESE

Operacioni Forca e Ligjit i ka dërguar sot formularët e vetëdeklarimit dy shtetasve me banim në Shijak, dhe një tjetri në Tiranë, në kuadër të operacionit anti-KÇK që nisi prej fillimit të shkurtit.

Sipas burimeve zyrtare, në vijim të veprimeve, bazuar në Aktin Normativ, OFL u ka dërguar kërkesat për vetëdeklarim të pasurisë, shtetasve::

– J. K., banues në Shijak, i dënuar për veprën penale “Vrasja me paramendim”;

– A. F., banues në Tiranë, i dënuar për veprat penale “Vrasja në rrethana të tjera cilësuese” dhe Armëmbajtja pa leje”;

– D. K., banues në Shijak, i dënuar në Itali për veprat penale “Shkatërrim prone me pasoja të rënda”, “Krime me armë kundër personit”, “Trafikim i lëndëve narkotike” dhe “Pjesëmarrja në organizatë kriminale, me qëllim trafikimin e lëndëve narkotike dhe shfrytëzimin e prostitucionit”;

“Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së, të cilat do t’i dërgohen SPAK-ut, për veprime të mëtejshme”, thuhet në njoftimin e OFL-së.

Burime bëjnë me dije se këta shtetas janë Arben Frroku, Durim Keçi  dhe Jasin Kala.

Kush është Durim Keçi?

Keçi është dënuar në Itali me 9.7 vite burg për një sërë veprash penale si armëmbajtje pa leje, trafik droge dhe shkatërrim prone.

Durim Keçi u ndalua në Durrës më 11 tetor të vitin 2011, ndërsa u bë i njohur edhe në debatet mes politikanëve. Kryeopozitari Basha tregoi fotot të tij me deputetë socialistë, duke akuzuar fort se mazhoranca mbante afër kriminelët, ndërsa kryeministri Rama publikoi foto të Durim Keçit që shfaqej te çadra e protestës së demokratëve.

“Keçi ëshë dënuar nga Gjykata e Genovës/ Itali me vendimin Nr.SIEP 294/2013 dt.21.02.2014 me 9 vjet e 7 muaj e 22 ditë burg për veprat penale “Dhunë, kërcënim dhe nëpërkëmbje të autoriteteve gjyqësore”, “Shkatërrim prone me pasoja të rënda”, “Trafikim të lëndëve narkotike”, “Krime me armë kundër personit”, “Pjesëmarrje në organizatë kriminale me qëllim trafikimin e lëndëve narkotike” dhe” Shfrytëzim prostitucioni”, parashikuar në nenet 338, 81, 342, 635/2 , 110, 73 dhe 416 të Kodit Penal Italian” njofton policia e Durrësit.

LEXO EDHE  Djali i deputetes së PS fiton betejën me koronavirusin dhe kthehet në shtëpi

Në janar të 2018, Gjykata e Apelit në Durrës vendosuri ta lërë të lirë Durim Keçin, , pavarësisht vendimit të Gjykatës së Shkallës së Parë për ta lënë në burg, edhe pse disa muaj pas arrestimit të tij ai pritej të ekstradohej drejt Italisë.

Kush është Arben Frroku?

Arben Frroku ndodhet në azil në Holandë, i dënuar me burgim të përjetshëm për vrasjen e kryekomisarit Dritan Lamaj, dhe në janar të këtij viti i ka shpëtuar ekstradimit drejt Shqipërisë.

Shteti holandez refuzoi që të kryejë ekstradimin e personave që nuk e kanë jetën e garantuar në vendin e tyre dhe dha dënimin me 18 vite burg për Frrokun.

Bota mund ta shohë këtë si një fitore. Por është bërë e qartë se ka pasur një shkelje të të drejtave të njeriut nëse do të kishte ekstradim. Nuk mund të aplikohen të njëjtat vendime të gjykatave të huaja për shtetasit e huaj”,  tha avokati i tij Gerald Roethof  gjatë seancës.

Gjykata e Apelit e ka dënuar me burgim të përjetshëm biznesmenin Arben Frroku pasi akuzohet për vrasjen e komisarit Dritan Lamaj në shkurt të 2013.

Pas një kalvari gjyqësor, në Prill të 2015-s Arben Frroku u shpall i pafajshëm nga Gjykata e Krimeve të Rënda. Ai u largua nga Shqipëria ditën që Apeli i Krimeve të Rënda rrëzoi vendimin e Shkallës së Parë dhe vendosi dënim me burgim të përjetshëm për të. Arben Frroku u kap në Holandë në prill të vitit 2016,  me pasaportë false dhe më pas Gjykata e Holandës vendosi për ekstradimin për në Shqipëri, por Frroku deklaroi se nuk ishte dakord që të ekstradohej në Shqipëri, sepse kërcënohej për gjakmarrje. Dënimin me burgim të përjetshëm Arben Frroku e ka ankimuar në Gjykatën e Strasburgut.