Cristiano Ronaldo është shprehur se humbja kundër Lyon-it në ndeshjen e parë të fazës së 1/16-ve të Ligës së kampioneve, nuk ishte rezultati i dëshiruar nga skuadra por që në sfidën e kthimit do të bëhet gjithçka për përmbysjen e rezultatit.
Si rrallëherë në muajt e fundit, Ronaldo, nuk arriti të lërë shenjën e tij në këtë sfidë, por deklaron që në Torino ka edhe 90 minuta për tu luajtur.
“Nuk ishte rezultati që donim por ndeshjet në Ligën e Kampioneve janë gjithmonë të vështira. Kemi 90 minuta në dispozicion për të luftuar në Torino dhe kemi besimin se do të avancojmë më tej”. – shkroi Ronaldo në rrjetet sociale.
Për të riparuar dëmet, Juventus do të duhet të presë deri më 17 mars atëherë kur do të luhet dhe ndeshja e kthimit. Por përpara kësaj sfide, bardhezinjtë duhet të fokusohen për ndeshjen vendimtare për titullin kampion në Seria A, teksa të dielën përballen ndaj Interit.
