Këngëtarja Enca Haxhia ka humbur babain e saj ditën e dielë. Ai u nda nga jeta në moshën 64-vjeçare, pas një sëmundjeje të rëndë.
Enca qëndroi në heshtje pas lajmit të trishtë dhe mëngjesin e sotëm e ka nisur me një falënderim për të gjithë ata që e mbështetën në këto ditë të vështira.
“Faleminderit nga zemra për të gjithë miqtë, kolegët dhe dashamirësit që na kanë dhënë forcë dhe dashuri me mesazhet e tyre në këto momente të vështira. Si e keni kuptuar unë e kam shumë të vështirë të flas në Instagram për gjërat që i kam afër zemrës, ndaj po e lë me kaq”- shkruan Enca në Instagram.
Më pas ajo ka publikuar një pjesë nga kënga e saj e ndjerë “Balad” dhe fjalët ia dedikon të atit.
“Nuk o si dje
Deti ke blu dhe qielli me re
Flisnim për të ardhmen çfarë ndodhi me ne?”
