Ashtu siç ishte e bërë e ditur më parë nga klubi, Manchester City ka apeluar vendimin me përjashtim për dy vite nga Liga e Kampioneve të dhënë nga UEFA.
Gjithçka është konfirmuar në njoftimin për shtyp të Gjykatës Sportive të Lozanës, teksa thuhet: “CAS ka regjistruar ankesën e Manchester City kundër UEFA-s”.
Manchester City u dënua me 2 vjet përjashtim nga çdo aktivitet në kompeticionet Europiane, si dhe mori një gjobë prej 30 milionë euro, pasi UEFA pretendon që klubi anglez ka shkelur rregullat e licencimit dhe të lojës së ndershme.
Nuk dihet ende se sa kohë mund të marrë përgjigja e Gjykatës Sportive, por e sigurt është që kjo do të jetë shpresa e fundit e “Qytetarëve”, në të kundërt klubi do të vuante në të gjitha aspektet nga ky përjashtim, si nga ana e financave ashtu edhe në prestigjin e klubit.
