Një ndërtesë katërkatëshe është përfshirë nga zjarri mëngjesin e kësaj të mërkure në Berat.
Banesa e Nuri Hibro, që ndodhet prapa bashkisë së qytetit, në lagjen ‘10 Korriku’, është përfshirë nga flakët.
Në banesë jetonin një çift të moshuarish, të cilët fatmirësisht janë nxjerrë jashtë pa lëndime.
Zjarri dyshohet të jetë shkaktuar nga bllokimi i oxhakut. Vila 4-katëshe kishte kaldaja në të gjitha katet,të cilat ishin të lidhura me oxhakun me dru dhe mësohet se zjarri mund të jetë shkaktuar nga bllokimi i oxhakut që mendohet të ketë kthyer mbrapsh flakët.
Në vendngjajre kanë shkuar forcat zjarrfikëse dhe po punojnë për shuarjen e flakëve.
